長者學生攜手檢測屯門空氣 揭二氧化氮濃度超世衞標準

2021年07月22日 12:30
東網電視
更多新聞短片
長者鄭文芳與學生郭方舟為非政府組織「健康空氣行動」義工,早前協助檢測屯門區內空氣質素。
空氣質素直接影響所有人的健康。非政府組織「健康空氣行動」早前就在屯門區開展「好空氣社區」教育計劃,邀請區內學生與長者探測社區不同地點的空氣質素,結果顯示11個測量地點的二氧化氮濃度均超出世界衞生組織的建議安全水平,義工也就結果訪問其他居民,希望透過行動教育及喚醒大眾關注空氣質素議題。
郭方舟是屯門區中華基督教會譚李麗芬紀念中學的學生,從小學起就在區內居住。他坦言本身沒有留意空氣質素議題,有關的知識只是在課本上認識,是次受通識科老師邀請參與計劃,「本身都唔知呢個計劃做咩,仲以為係講座,之後就發現原來係要落手做改善空氣、有關空氣污染嘅活動。」
除了學生,活動的義工還包括區內長者,鄭文芳就是其中一分子。鄭文芳自言退休後就愛做不同活動的義工,除了幫到人外,自己也可以增廣見聞,「這個空氣採測好似一個很現代嘅試驗咁,可能我學識唔多,覺得係好應該去做。」她又認為活動有人計劃了出來,就需要人去幫助實踐,才有機會成功。
學生及長者義工需要在活動中合作,郭同學坦言一開始擔心跟老人家合作會有溝通問題,「相差咁多年會唔會有代溝,或者佢哋會唔會手腳慢,跟唔上我哋」,然而他表示經過活動後就有完全新的看法。
活動包括在屯門11個地點安裝二氧化氮試管,測試二氧化氮濃度。郭同學指這是自己最喜歡的環節,「擺採樣試管嗰陣就真心令我感覺到,我真係為空氣監察作出一啲行動,唔單只係單純知道咗就算。」
試管在不同地點擺放一段時間後會被化驗,義工們會就結果在街頭訪問其他居民對議題的意見和看法,郭同學坦言未試過跟陌生人說話,因此會緊張,「有啲路人會唔理你,畀人拒絕好多次、好辛苦先搵到人採訪」,而長者拍檔的反應卻令郭同學對他們改觀。
鄭文芳也察覺到同學們的緊張,「感覺學生都有啲膽怯,唔知道點樣做」,因此她就先跟路人搭話,為同學示範,也是給他們壯膽,「我自己就好似請纓,好似畀佢哋一啲模範咁。」
事情令郭同學對長者拍檔另眼相看,「佢哋更加夠膽同路人傾偈,反而係我咃喺一邊唔敢郁手」,坦言一開始同學們對長者有一點嫌棄,「反而佢哋無,仲好耐心教我哋點樣做,同埋好關心我哋」,他也欣賞長者對活動的認真,「發現原來佢哋比我哋更了解呢個活動,反而是我哋拖慢佢哋節奏。」
鄭文芳亦覺得同學有付出努力,「其實同學仔都唔會唔夠膽,因為佢哋學識咗,同埋佢哋會踏出一步,好肯學、好肯做,佢哋個心唔會話怕難,都感覺得到。」她覺得活動很有意思,「可以帶同學仔出隊,好似開枝散葉咁。」
最後調查結果顯示,11個測量地點的二氧化氮濃度均超出世界衞生組織的建議安全水平,即年均每立方米40微克,而最嚴重的測量地點紅橋巴士站濃度更超世衞指引4倍多。郭同學指之前對空氣污染的知識大部分都來自教科書,「覺得離生活好遙遠,就算新聞睇到空氣污染指數係幾多,都唔會覺得對生活有幾差別」,這次活動就令他感覺到議題對健康的重要性。
「有啲人可能話我哋做咁多嘢,政府都不會為你而改變,但我又覺得唔係」,郭同學指活動未必能即時改變區內空氣問題,但覺得活動都有作用,指雖然普通居民不可以影響政府的制度,但是可以由小做起,「我當屯門係自己家鄉,如果連我哋都唔參與,話畀大家知社區空氣污染狀況,大家就唔會發聲去改變。」
鄭文芳認為空氣污染問題不只影響自己一代人,「空氣係每一個人都需要」,指很多疾病都是因為空氣欠佳所致,「如果逐家逐戶都有環保意識,齊心就事成,成效會好大。」