政Whats噏:李志宏當選沙田區議會主席 副主席即刻跪低

20210722
東網電視
更多新聞短片
黃學禮(左)竟然向李志宏(右)跪低!
區議員辭職潮漸趨尾聲,多區都需要進行選舉以填補正、副主席嘅空缺。沙田區議會今日(22日)嘅大會就率先選出主席,獨立民主派嘅李志宏當選,而副主席黃學禮竟然即刻跪低喎。
沙田區議會前主席程張迎喺本月初,指自己身體多番釋出強烈嘅警示訊息,決定請辭。但由於當區仍然由泛民主導,因此李志宏喺冇競爭下接任主席。至於建制派區議員林港坤就非常不滿,怒斥李血漬斑斑、反中亂港,之後就憤而離場。
提名李志宏嘅區議員許立燊其後喺社交網站分享兩人嘅合照,話恭喜新任沙田區議會主席李志宏!至於副主席黃學禮竟然對李跪低,話呢次極有可能係沙田區議會最後一次大會,而李主席喺風高浪急嘅情況下依然堅持實屬難得咁話。