政Whats噏:鄧炳強視察智慧監獄 冀懲教署肩負「懲教並重」使命

2021年07月22日 17:49
東網電視
更多新聞短片
鄧炳強(左)聽取懲教署署長胡英明介紹院所內的「人員進出管理系統」。
上任約一個月嘅保安局局長鄧炳強百忙中不忘親身視察紀律部隊嘅工作環境,今日(22日)大清早就去到香港第一所「智慧監獄」、即大潭峽懲教所,學習點樣將科技融入日常管理同埋保安範疇,同時了解懲教人員嘅工作情況,希望改善同袍嘅工作環境添!
鄧炳強喺懲教署署長胡英明親自接待下,了解院所內引入嘅4個高科技系統,即「保安及監察系統」、「運作及管理系統」、「在囚人士自我管理系統」同埋「強化職員能力系統」,2人仲談及懲教署嘅「智慧監獄」未來發展。唔單止咁,鄧不忘慰問懲教所人員,觀看佢哋嘅處境示範,藉此了解人員嘅工作情況。
雖則香港社會漸趨穩定,但早前犯事而在囚嘅人數上升,懲教署人員嘅工作都面臨挑戰!鄧勉勵懲教署人員,感謝佢哋一直秉持專業態度,以無畏無懼嘅精神堅守刑事司法體系最後防線,肩負起「懲教並重」的使命呀!