稱有心理準備被捕　還押黎雯齡「早坐早着」

香港言語治療師總工會5名成員，上月因出版《羊村繪本》而被指涉嫌串謀發布煽動刊物還押至今。總工會主席黎雯齡昨晩(16日)發表獄中信，提到自己早有心理準備被捕，認為坐牢難以避免，不如「早坐早着」。

黎雯齡指有一次押她上庭的警察，曾問她有無想過，有今日的後果？不過黎就認為就算有心理準備，能否等於自己所做的事就係錯呢？黎承認目前在獄中好安逸，每日都係食、瞓、屙、睇信同睇報紙，難以分辨是否自欺，但覺得認命的話，會令她放棄在危難中的思考。所以她說即使身陷囹圄，都不可以放棄思考，一旦習慣就會放棄掙扎，絕對是非常危險。

黎又提到身邊人會於探訪同書信中詢問她如何處理事情，不過黎發現無人同佢商量，好難在有限的資訊中下決定。