政Whats噏:炎夏入街市 邵家輝渾身汗濕

20210914
東網電視
更多新聞短片
邵家輝話無冷氣嘅牛頭角街巿,顧客望而卻步。
香港夏天長期炎熱,市民落街行吓都隨時身水身汗,更何況去冇冷氣嘅街市買餸呢!批發及零售界議員邵家輝呢幾日就落咗去牛頭角街市視察,唔少商戶都向佢反映話冇冷氣,連佢自己都熱到一身濕晒添呀。
話說邵家輝落去向商戶講解現行制度,點知唔少商戶乘機同佢追街市冇冷氣,令到客人都唔敢入嚟添。佢就話希望政府當局可以加快街市加裝冷氣嘅工程,為市民提供更優質嘅購物環境,從而提升街市人流同埋刺激消費喇。
雖然食環署正同檔販商討街市嘅翻新計劃,不過邵就話工程期長達18個月,期間受影響嘅檔販可以選擇去其他食環署轄下街市,不過就可能要跨區喇,又或者可以拎政府特惠金頂住先,但就唔一定夠使囉!