政Whats噏:陳家珮被盜用帳戶 有朋友中招向騙徒提供電話號碼

2021年10月13日 19:56
東網電視
更多新聞短片
陳家珮被盜用社交平台帳戶。
騙徒經常利用政界人士嘅知名度行騙,今次就輪到南區前區議員陳家珮(Judy)遭冒充身份!佢不幸畀人盜用社交平台Instagram(IG)帳戶,向朋友發訊息要求提供電話號碼,仲有朋友真係中招添!
Judy話懷疑騙徒入侵帳戶後,喺帳戶中偷相,「另起爐灶」開另一個帳戶,而真假帳戶名稱只係相差一個符號,意圖魚目混珠。Judy話收到好多朋友向佢反映,而佢就即時更改IG、銀行帳戶等密碼,以策安全,仲話諗緊報警求助添。
有朋友不幸跌入騙局,提供真確嘅電話號碼,Judy都提醒佢哋日後要小心,亦邀請其他朋友齊齊舉報假帳戶。Judy話暫時冇政界朋友受騙,相信佢哋嘅安全意識都較高!