政Whats噏:社會激進未除 周伯展籲政府設委員會紓解

2021年10月14日 17:51
東網電視
更多新聞短片
周伯展呼籲政府成立委員會解決社會矛盾。
香港經歷2019年反對修訂《逃犯條例》後,社會積累唔少怨氣。身兼民間智庫嘅會長、眼科醫生周伯展喺社交平台上傳影片,話香港激進化未過,就好似今年7.1就出現孤狼式恐怖襲擊事件,呼籲政府成立委員會去激進化,同埋提醒市民留意身邊有激進行為嘅人士,有必要就報警咁話喎。
周伯展話凝聚民心需要3方面做起,包括要免除激進化行為,話社會依家仲有暗湧,譬如有公務員拒絕宣誓、幾萬人選擇移民外國等,更加出現孤狼恐怖襲擊事件。佢話外國都有成立委員會處理相類似事件,希望港府都會參考,壓止呢啲行為,免除恐怖襲擊。
對於到依家內地同香港都未能通關,佢話部分市民同親人相隔兩地,見唔到面都會引致社會撕裂,呼籲市民戴好口罩、勤洗手。唔單止咁,佢仲話貧富懸殊問題都影響香港,強調香港堅尼係數太高,香港人平均住房面積仲要只有150平方呎,希望港府參考內地扶貧政策,實行第3次財富分配,鼓勵大企業回饋社會,否則香港就會繼續沉淪喇!