政Whats噏：還押梁錦威突收通知　取消尋日區議員宣誓

兩星期前，包括葵青區議會在內嘅新界西區議員宣誓，之不過該區會嘅副主席、支聯會常委梁錦威正被還押，缺席宣誓儀式。日前有消息指梁獲當局安排，喺尋日(19日)進行宣誓。然而今日(20日)梁嘅社交平台就貼文話，宣誓安排已被取消。

話說負責為梁錦威嘅社交平台嘅管理員，日前話要將衣物送畀梁，以便宣誓日之用。不過今日嘅最新情況，係管理員同梁嘅家人幾經辛苦，已將梁需要嘅西裝運到畀佢，點知尋日梁收到民政局局長徐英偉署名嘅通知，決定取消原定喺尋日進行嘅區議員宣誓儀式，仲話若有新安排，將會另行通知咁話。

至於早前有消息指，在囚嘅大埔區議員姚鈞豪亦同梁一樣喺尋日宣誓。到底姚有無如期進行宣誓呢？暫時未見透露。