政Whats噏:林兆彬議辦轉型做零售 經營困難今結業

20211020
東網電視
更多新聞短片
林兆彬將原來嘅議辦改為百貨零售,但經營僅3個月就宣布結業。
早前傳出政府追薪津嘅消息後,大批民主派區議員辭職,其後佢哋亦陸續要結束議員辦事處,又要為生計而苦惱。當中油尖旺前區議員林兆彬,就將原來位於太子道某商住大廈嘅議辦改為零售用途,販賣日常生活用品,然而營運僅3個月,今日(20日)宣布結業。
睇返林兆彬呢間百貨店所售賣嘅商品,以本地同台灣貨居多,但礙於係「樓上舖」,好依賴「同路人」嘅光顧,經營方面肯定艱難,而佢喺社交平台發出嘅貼文,就指經營困難及其他私人理由,其百貨零售嘅業務由即日起停止運作。又話感激各方好友、同埋同路人嘅支持,令佢能夠喺7月初辭去區議員一職後,繼續服務社區至今。
林兆彬嘅區議員年涯只得一年半,今年7月辭職之後,有消息指林於上月3日曾遭廉署拘捕但獲保釋,至於廉署就話有人涉嫌喺去年嘅立法會換屆選舉中提交虛假或具誤導性的選舉申報書,以詐騙政府發還選舉開支。而當日林就透過社交平台向外界報平安,同埋聲稱唔會回覆任何傳媒查詢。