政Whats噏：議席雙失　鄺俊宇拍片再談政治

舊年隨泛民總辭而失去立法會議席嘅議員鄺俊宇，今年年初因參與去年民主派35+初選案，涉違《港區國安法》而被警方國安處拘捕，儘管未提起訴，但鄺嘅言論轉趨低調，連社交專頁嘅內容都剷得乾乾淨淨。之不過日前佢被政府裁定宣誓無效，元朗區議員嘅議席遭即時褫奪後，鄺就喺網絡視頻罕有咁講政治，話會「勤力拍片，繼續留喺頭家，喺各位嘅身邊，繼續做好民生各項香港人嘅福利政策。」

今年38歲嘅鄺俊宇，自2007年當選元朗區議員，並連續3屆連任，5年前循超級區議會參選立法會並成為「票王」。雖然佢有透過網絡上載自己嘅視頻，但內容多談時事或娛樂消息，鮮有觸及政治。鄺俊宇遭褫奪區議員資格嘅當日，就罕有咁「講政治」，話會繼續做好民生各項香港人嘅福利政策。又指自己唔捨得唔拍片，稱日後會拍攝更多影片，並透露將會公布新計劃。佢話希望能夠同網民一起倡議更好、更利民嘅措施，仲話會繼續努力，攞最佳勤力奬喎。