政Whats噏：白髮盡現自嘲殘過黎青龍　網民稱陳沛然「伯父」

醫學界議員陳沛然(Pierre)同肝病權威、港大醫學院內科學系名譽臨床教授黎青龍關係好好，一直以師徒相稱。佢今日(24日)喺Facebook貼文同上傳與黎嘅合照，話一身嘅打扮係專登同黎襯色，之但係就笑指點解自己個樣仲老過、殘過黎喎。雖然網民大讚兩人望落好有型，但都有人笑言黎太型，Pierre未必可以鬥得贏啊。

其實Pierre時不時都會喺Facebook公開同黎嘅合照，兩人更會精心打扮襯晒。至於今日上載喺合照中，就見到兩人同着藍色西裝同頸繫煲呔，雖然有網民見到合照之後大讚佢哋襯到絕，但亦有唔少人覺得Pierre點樣都型唔過黎，更有網民戲言「左青龍，右伯父」，笑指Pierre唔夠黎後生。

相中可見Pierre白髮盡現，比較之下的確令一頭烏黑短髮嘅黎更顯年輕嘅！至於點樣可以後生啲，有網民就建議Pierre不如留多啲時間踢多啲波，自然就會後生返10年喎，唔知呢個做法有冇效呢？