政Whats噏:蕭若元台灣街頭被打 被質食狗屎 疑與追數有關

2021年11月09日 10:22
東網電視
更多新聞短片
身處台灣嘅網台負責人蕭若元,早前喺台灣街頭被當地黑幫毆打,事後更被質食狗屎。雖然佢死口唔認,但網傳事件同錢銀轇轕有關,Youtuber「大肥」在其節目稱,蕭同人有錢銀爭執,有人出動到台灣竹X幫,來港同蕭若元父子收數,而蕭找來江湖人物調停。拆唔拆得掂就未知,蕭之後就去咗台灣,繼續惹來好多風風雨雨。
蕭若元早年曾經搞網兼炒股,點知一鋪清袋。近至上個月,佢家族旗下嘅易還財務仲錯炒洗倉股,4日內損手近285萬港元!話說呢間公司早前公布,10月6日喺公開市場出售198.1萬股或0.201%華夏文化科技股份,每股沽貨價為1.2384港元,出售造成帳面虧損約284.7萬港元。
唔單止自己損手,佢以前經常預測股票走勢,但係講親嘅都唔掂,於是有股壇「明燈」之稱,唔少人誤跟佢嘅預測去買股票,搞到損手爛腳。