政Whats噏:涉違國安法還押近1年 胡志偉瘦20幾磅

2021年11月29日 16:04
東網電視
更多新聞短片
胡志偉黨友話佢瘦咗成20幾磅。
前議員胡志偉因涉參與上年嘅民主派35+初選,涉違《港區國安法》,被控串謀顛覆國家政權罪,由今年1月開始還押至今已近1年。胡嘅黨友尋日(28日)就去咗荔枝角收押所探望佢,仲話佢已經瘦咗20幾磅啊!
涉違國安法一直被還押嘅胡早前因上年7.1非法集結案被判囚10個月,喺上月中服刑,按懲教署既定嘅計算方法,今個月初就刑滿,可回復還押身份。當時佢仲大呻在囚日子,親友探訪時間由每日見面變成每周一會,日子變得難過喎。
之但係轉眼間佢就刑滿,胡嘅黨友都話佢依家好健康同開朗,唔知關唔關回復還押人士身份事呢?