政Whats噏：入境處率先融入國安理念　網站列愛國愛港元素

最近上入境處嘅網頁，發現原來網頁列出咗入境處嘅理想、使命同信念，裏面有「維護國家安全」同埋「愛國愛港、堅定不移」呢2個元素，完全感受到佢哋熱愛祖國同香港嘅情懷，亦彰顯出佢哋堅定履行維護國家主權、安全同發展利益嘅決心。

其實每個紀律部隊都有各自嘅抱負同信念，但入境處係率先將呢2個咁重要嘅理念，凸顯喺佢哋嘅部門使命同信念入面。《港區國安法》落實之後，香港由亂變治，入境處緊貼施政方針，務實咁以愛國愛港嘅理念服務市民、服務社會，實在令人放心，亦令人對香港嘅未來充滿信心。