政Whats噏：一哥蕭澤頤揮毫設計利是封　警隊上下爭住要

農曆新年臨近，點解一眾警務人員都咁緊張收埋啲利是封呢？唔通有寶？原來嗰個「福」字利是封係由警務處處長蕭澤頤親自揮毫設計㗎，唔怪得大家都要爭啦。

一哥蕭澤頤為咗祝大家新一年福氣滿載，早前特別喺師傅指導下進行書法練習，即席揮毫設計咗一個「福」字利是封，為大家送上新春祝福。佢練習嘅影片仲放咗喺警隊Facebook專頁，等大家睇到佢有幾認真。

嗰啲利是封面世後，警隊上下都爭住要，有人仲塞入外套入面驚畀人偷㖭，認真搞笑。市民如果想要，都可以去警隊專頁留言㗎！