政Whats噏 : 時間緊迫　田北辰開會剃鬚

疫情肆虐，最近嘅立法會會議都改由視像會議舉行，而邊駕駛邊開會嘅情況亦都無再出現，議員都似乎乖乖地，坐定定認真開會。但喺今早(8日)舉行嘅保安事務委員會中，就驚見議員田北辰竟然在鏡頭前剃鬚。

立法會保安事務委員會今早開會，主要就2021年施政報告作出簡報等，會議開始幾分鐘後，隨即出現一眾議員嘅畫面，大家都似乎坐好準備開會，但驟眼一睇，竟然見到田北辰手郁郁，喺鏡頭前用電鬚刨剃鬚！

田北辰事後解釋，指開會前因忙於處理其他事情，迫住要喺嗰段時間剃鬚，而剃鬚對佢嚟講就同刷牙一樣咁重要喎。雖然畫面停留時間相當短，偷雞做其他嘢都可能唔會畀人發現，但開會時間議員都係坐好認真開會好啲，其他嘢應該提早做好準備先啱啦。