政Whats噏：76岁李国章再婚　娶细30岁女友何婷媚

香港大学校务委员会前主席李国章去年一直应对拆卸校园内国殇之柱争议，到去年底正式卸任，依家可以话系一身轻。现年76岁嘅佢近日仲传出好消息，就系终于同拍拖逾7年嘅47岁电台前高层女朋友何婷媚拉埋天窗啊！

因为女方与李国章嘅年龄相差近30年，过去被外界形容呢段关系为“父女恋”。两人早喺2014年“挞着”，至2015年底就传出男方已向女朋友何婷媚求婚成功。

据了解，何婷媚喺澳门长大，曾到美国留学，及后返回澳门任赛马会高层，及后任DBC数码电台市场推广及业务发展总监，认识时任DBC董事会主席嘅李。翻查何婷媚嘅资料，佢喺2016年底离开DBC后，至2018年至今就喺本地时尚艺术杂志任高层。