政Whats噏:史維提早辭任 葉玉如或成科大首位女校長

20220513
東網電視
更多新聞短片
科技大學校長史維將於10月離任。
香港科技大學校長史維將於10月離任,有指校長遴選委員會全球招聘程式已進入最後階段,科大校長唯一候選人,可能係上月卸任科大副校長嘅知名神經生物學家葉玉如,若通過任命,佢將成為科大創校嚟嘅首位女校長。
睇返葉嘅履歷,佢畢業於美國波士頓Simmons學院獲化學和生物學雙學士學位,並獲美國哈佛大學醫學院藥理學博士學位,1993年起受聘於香港科技大學,先後出任理學院院長、生物技術研究所所長和生物化學系系主任。喺研究促進同維持神經細胞存活與發育嘅神經營養因數方面,葉卓有成就。其研究成果獲得科學界廣泛認同,先後獲頒多個國內外重要學術獎項。
葉先後出任多項公職,包括香港科技園公司董事局成員、創新及科技基金評審委員,現任香港特區政府創新及科技諮詢委員會、食物及衞生局諮詢委員會、中藥研究及發展委員會等。