政Whats噏：學生送畫冊讚海關抗疫出色　何珮珊收到好開心

香港海關喺第5波疫情入面，除咗保持高水準嘅執法工作，維護國家安全外，亦都落力協助防疫抗疫，包括派發防疫物資、管理元朗潭尾社區隔離設施，同埋派員加入個案追蹤辦公室等。海關嘅付出有目共睹，市民都讚好，今日(16日)更加有國際學校嘅學生將一本寫有打氣同感謝說話嘅畫冊送畀海關㖭，海關關長何珮珊收到之後好開心呀！

新加坡國際學校一班學生為咗感謝港府前線嘅抗疫人員，特登整咗本畫冊，入面寫咗同學嘅正能量心聲。喺新加坡駐香港總領事王首毅同校長鄭祥川見證之下，學生代表李欣玥同張晉宇親自將畫冊送畀關長，關長亦都衷心感謝。

畫冊入面，李欣玥感激海關人員嘅無私奉獻同付出，「嚴格把關供港物資，才使物資順利運輸到需要的地方。」張晉宇亦多謝關員堅守崗位，「用絕對忠誠和專業執法，建起阻斷境外疫情輸入的鐵壁銅牆。為疫情防控守住第一道關卡。」