政Whats噏：陳沛然同家人「鯨吞」40隻餃子算少　最高紀錄係...

少吃多滋味，多吃壞肚皮。但前醫學界議員陳沛然(Pierre)同佢嘅屋企人，似乎就無個煩惱，因為佢哋日前一口氣食咗40隻餃子，但原來今次唔係最誇張紀錄，究竟有咩推使佢哋食咁多呢，係貪吃定係做食評家呢？

Pierre分享食評時，對食物嘅形容都好細緻，仲話叫埋湯麵，但每人都唔使60港元，形容性價比高，仲用味道、環境、服務等方面嚟評分。佢仲話40隻餃子，唔使大驚小怪，因為上次佢哋只食餃子，都一口氣食咗70隻。

其實Pierre往往以「無字食評」嘅形式，比網民估中佢幫襯邊間食肆，不過佢今次就自爆食肆名。而佢亦曾話自己身形好嘅原因，喺因為唔會食得多，六、七成飽就算，唔知今次算唔算破戒呢？有網民就話睇佢嘅飲食頻道好療愈，仲叫佢試下店內其他食物，指佢形容得好好，變相幫手宣傳喎！