政Whats噏：陳家珮爆有白武士　願出「誠意金」打救海鮮舫

位於香港仔嘅珍寶海鮮舫將於本月移離香港，有傳話會搬去東南亞某個船舶，最快會喺本周拖離香港。倡議將海鮮舫留港保育嘅議員陳家珮今日(13日)爆料，話曾有團體做「白武士」願意畀出錢打救海鮮舫。

陳家珮喺1個網上節目中更爆料，話自從5月底傳出海鮮舫要邊離後，短短10日內已收到唔少團體或個人希望可以幫，其中有團體話願意畀「誠意金」，希望政府暫時接收隻船，唔使被拖走，等佢哋做好計劃後，再由該團體所屬嘅非弁利團體接返嚟保育，就算最終唔成事，政府亦可將呢筆誠意金袋袋平安。

佢仲話由於施政報告中曾講過話要活化海鮮舫呢個歷史悠久嘅香港地標，自不然就有公眾期望，但依家留唔到亦做唔到嘅話，政府係欠公眾一個交代，必須講清楚喺過去1年半做過啲乜嘢？甚至要諗下用乜嘢新科技，令市民可以繼續睇到呢個地標。