政Whats噏：政府合署驚現骷髏頭　網民質疑別有用心

喺七一臨近之際，金鐘道政府合署某樓層窗外張貼3個白色骷髏頭嘅圖案，咁做到底有何含義呢？

有議員喺社交平台上載有關相片。有網民留言話「令人感覺別有用心」，質疑有人伺機搞亂。亦有人認為骷髏頭圖案嘅出現係「極度不恰當」，認為要徹查。但議員解釋話，原來該層係賽馬會禁毒資訊中心，喺金鐘道政府合署座頂層，同高等法院入口同層。資訊中心正在裝修中，並無開放。之不過，議員就覺得確實有問題，已經聯絡管理處移走相關標誌，又話宣傳禁毒有更好嘅做法。

禁毒處回覆東網查詢時話金鐘道政府合署低座頂層現正進行工程，本年內完成後，禁毒資訊天地將再開放予公眾參觀，而喺工程期間，承辦商貼上一啲用作宣傳吸毒禍害嘅骷髏頭設計玻璃貼測試物料透光度，但留意到社會上有意見認為張貼呢款設計嘅玻璃貼可能並唔適合，有關玻璃貼已暫時移除，禁毒處會就設計再詳細研究。