政Whats噏:被DQ郭天立稱已還薪津欠款 隔離限制放寬後返港

2022年06月26日 13:27
東網電視
更多新聞短片
郭天立話打算日後返港。
已離港逾7個月嘅九龍城前區議員郭天立,今日(26日)喺社交平台貼文,話喺月前已還清逾19萬嘅薪津同議員辦事處嘅營運開支,又自爆喺旅居海外呢段時間都無法暢所欲言,搞到情緒長期抑壓,仲話一直等緊隔離限制放寬後返港同親友相聚喎。
郭天立喺舊年被取消區議員資格(DQ),到咗11月中就話以個人原因暫時離港。佢喺貼文中話喺月前已全數「退還」被政權證明確實用喺區議會職務嘅逾10萬港元「開支償還款額」,並同時歸還逾2萬港元已批出嘅醫療津貼,同埋逾6.7萬港元嘅「預支營運開支償還款」,總數逾19萬港元。
佢重申冇資格話係流亡或走佬,離港只係旅居海外,而過去幾個月喺唔同嘅國度遊歷,亦對唔同嘅人同事有咗新嘅體會,但係旅居以後,仍無法暢所欲言、自由活動,佢同身邊親友都一直承受着巨大壓力同滋擾,而佢嘅情緒長期抑壓而無法紓壓甚至喜怒無常,經常令朋友擔心,甚至失望。