政Whats噏:基層難享經濟成果 林振昇促政府處理深層次矛盾

2022年07月02日 18:07
東網電視
更多新聞短片
洪雯(左)同林振昇(右)批評港府未能處理深層次矛盾。
本港貧富懸殊等深層次問題嚴重。議員林振昇同議員洪雯今日(2日)舉辦線上研討會,話香港雖然一方面盡享經濟騰飛,但實際上產業結構單一、向上流動停滯,批評政府冇處理好社會矛盾,搞到市民未能分享發展成果呀!
點解會搞到咁?林振昇話香港經濟多年嚟都係依靠「四大支柱」,即係金融、旅遊、貿易及物流、專業及工商業支援服務,然而旅遊業受疫情衝擊幾乎「死咗」,連帶飲食業、零售業嘅營業額一同下跌,加上外判制度,令依家嘅前線員工面對更多就業問題。
佢話雖則政府喺2013年開始着手解決貧窮問題,之但係「在職家庭津貼」、「租金援助計劃」等都係幫得少少,新政府上場一定要加快解決基層問題。佢以最近嘅公務員薪酬趨勢調查報告為例,話各項指標都有升幅,如果最後公務員可以調薪,但最低工資就冇調整嘅話,就真係講唔過去喇!