政Whats噏：離島區會主席余漢坤中招　正自我隔離

疫情反覆，確診人數逾千。離島區議會主席余漢坤亦中招。佢今早(4日)喺社交平台貼文，話今朝例行快速檢測中證實確診，已通報政府相關部門並根據「隔離令」自我隔離。

佢又話每日喺社區服務唔同人士，與居民接觸頻繁，所以喺疫情初已每日朝早喺屋企進行例行快速檢測，而今日喺早餐前進行嘅檢測結果為染疫。佢又話現時身體情況良好，冇徵狀，希望盡快康復後繼續為社會服務。

由於過去多日都有落區，佢呼籲過去幾日同佢有接觸嘅人士自行進行快速檢測，或去社區嘅採樣站進行核酸檢測。