政Whats噏:出任行會召集人 葉劉撤回改革政府宣傳策略動議

2022年07月07日 17:30
東網電視
更多新聞短片
葉劉淑儀撤回「改革政府宣傳策略」嘅議員議案。
議員葉劉淑儀出任新一屆政府行政會議召集人,而行會作為政府嘅智囊團,主要向政府提出意見並設定具體施政方向,並避免公開批評,以免政府威信受到衝擊。葉劉早前就「改革政府宣傳策略」提出無效力議員議案,原定下周三(13日)大會展開辯論,但至今日(7日)佢就撤回有關議案。
立法會下周三召開嘅大會,係立會放暑假前嘅最後一次會議,而原定有2個議員議案,包括葉劉動議嘅「改革政府宣傳策略」議案同謝偉銓動議嘅「加快實踐,健康城市目標」議案。但根據立法會最新文件顯示,葉劉已撤回其編訂嘅議案預告。意味住屆時只審議一條議員議案。
葉劉過去多次公開批評政府宣傳策略,如政府新聞處宣傳手法過時,運作模式追唔上時代、新聞稿又複雜冗長,市民難以消化當中嘅訊息,認為需要改革。同時又質疑曾擔任新聞統籌專員嘅馮煒光,好似無做過啲咩。