政Whats噏：不应只限旧人做委会主席　陈健波：表现差就拉落嚟

立法会现有各事务委员会同小组委员会主席，都系由做过起码一届任期嘅议员出任，议会新丁只可沾手副主席一职。即将卸任财务委员会主席嘅陈健波话长远唔应该只限旧人出任，认为需要改变，或任期过咗一年，可以将表现不佳嘅人拉落嚟。

由于有4名选委会界别嘅议员转跑道加入“热厨房”，陈健波获委为行政会议成员，主动话会辞去财委会主席一职，所以财委会连带多个委员会都要重选主席。陈健波喺电视台节时中话以前要完成一届任期先算系旧人，先可以担任主席，佢觉得呢个情况都需要改变，可能任期过咗一年，观察一下边个人能力较高，就畀佢哋担任主席，反而要把表现不佳嘅人就拉落嚟。

回顾过去7年财委会主席嘅生涯，佢话昔日喺财委会要面对民主派嘅攻击同拉布，喺“新时代”嘅议会又有另一种挑战。佢认为认为新议员亦想监察政府，所以睇到佢哋都好落力，但点样平衡系一个问题，因为佢哋多时将地区议题带入议会，因为佢哋好多都系做地区工作，未必明白全港性嘅问题，而喺身份上有改变，立法会同区议会唔同，所以重点亦有所不同。