政Whats噏:登報與袁弓夷脫離關係 容海恩現身拒回應提問

2022年08月05日 20:06
東網電視
更多新聞短片
容海恩今日出席活動時,拒絕回應提問。
議員容海恩今日(5日)刊登聲明,稱與涉嫌違反《港區國安法》、其家翁袁弓夷脫離「爺媳關係」,消息猶如震撼彈。之不過,唔少人質疑聲明係咪有法律效力,又關注其老公袁彌昌與父親袁弓夷嘅關係何去何從。而容海恩今日傍晚出席活動時,對於相關提問都拒絕回應。
有法律界人士認為,由於聲明屬單方面個人表述,難言法律效力,相信佢係藉此同袁弓夷劃清界線,避免受其言論牽連。若果真係決意進行具法律效力嘅斷絕關係,需要涉事各方到法庭申請頒令。另外,亦有網民發現容海恩曾申報自己係獲認可嘅一般及家事調解員,希望佢盡快處理今次風波。至於向來活躍係社交平台嘅容海恩同袁彌昌,喺事件發生後未有再更新專頁。
袁弓夷則喺今晚嘅網台直播中,指昔日「休新抱就聽得多」,豈料依家竟然掉返轉!不過佢相信容刊登聲明,目的係保護自己及家人,指做法「有智慧」,呼籲大家切勿言語攻擊容海恩。