街市驚現天價黃花魚　一條盛惠6000蚊　專家稱標價正路

本地街市驚現天價貴魚，莫非係「姜太公賣魚」，願者「上釣」？昨日(7日)有網民於社交平台發貼，指某地街市的一攤魚檔竟售有1條叫價高達6,000港元的海王花魚，惹網民熱議。

不少網民均好奇該條海王花魚的標價是否正常，有人表示「到底係海王花定one piece(日本漫畫海賊王)啲海王類啊？」、「唔信，幻覺嚟㗎啫，嚇我唔到嘅」。亦有疑似知曉行情的網民透露，「有咩好嘩，海既大條黃花魚係咁貴，養殖個啲就超平，大條黃花魚最貴上百萬」、「買嘅認真識貨」。

事件經網上發酵後，有專家現身解畫，稱野生黃花魚原來曾於10多年前一度絕迹，是設有休漁期後才於本港復見蹤影，所以至今仍十分罕見，大至數斤以上的則更甚。更指，以前售至內地的黃花魚十分受上海菜館歡迎，最高峰時可賣到約6,000港元一斤，只是目前受疫情影響，魚類出口市場受阻，所以部分需在本地銷售，故而黃花魚售至6,000港元一條並不稀奇。由此看來，原來係啲網民唔識貨至真！