政Whats噏:探深水埗舊樓戶主 甯漢豪稱第4季交強拍修例建議

2022年08月08日 22:17
東網電視
更多新聞短片
深水埗區舊樓林立。
深水埗區舊樓林立,唔少樓宇都日久失修,因此強拍門檻同重建等議題都迫在眉睫。繼早前政府高層頻頻落區後,發展局局長甯漢豪今日(8日)就同九龍西地區直選議員鄭泳舜一齊落區,期間去咗黃竹街舊樓同豆品店等,仲傾咗成3個幾鐘。究竟成效係點樣呢?
鄭泳舜話發展局同舊樓議題息息相關,希望局方交代多啲未來計劃,亦有唔少業主希望重建,但有啲就想保留地區特色,希望日後政府可以多啲支持小業主嘅苦況。對於官員恒常落區嘅安排,佢就話深水埗有好多問題,今屆政府都好重視該區嘅發展。
其實,甯漢豪亦話為應對樓宇急劇老化問題,喺市建局嘅推動工作之外,亦需要私人市場力量加快市區重建,發展局正就強拍門檻同相關機制嘅運作進行政策研究,包括考慮為唔同樓齡樓宇訂立唔同嘅強拍門檻,探討精簡現行強拍個案嘅法律程序,預期今年第4季會將具體建議提交立法會發展事務委員會討論。