咕嚕盒飯有乾坤 暗藏香油「炸紙巾」 食客直呼咪幫襯

20220817
東網電視
更多新聞短片
外賣餐盒再現「加料」劣食,今次連三餸「頹飯」都出事,實在令人無啖好食!有網民前日(15日)在社交平台分享指,於光顧銅鑼灣某食肆的三餸「頹飯」期間,竟食出一味「咕嚕炸紙巾」,令事主頓時晴天霹靂,幾近欲嘔,並稱「食到一半見到原本咕嚕肉變咗炸廁紙,好得人驚!」更呼籲大家勿再幫襯該黑心食肆,以免「中伏」!事主亦聲稱已通報食環署跟進調查。
從事主上載的相片可見,外賣發膠盒內,有蝦、西蘭花、排骨,仲有幾舊咕嚕肉,雖然色相麻麻,似與尋常平價「頹飯」無異。惟萬萬始料不及的是,咕嚕肉中竟然內有乾坤、暗藏一塊「炸紙巾」!看見相中橫臥的木筷,以及那「半舊」經已咬開的咕嚕肉,與半張內藏其中、已然顯得淡黃、稠濁的「炸紙巾」。相信至此,各位已經知道發生咩事,就在眾人為其不幸「暗自神傷」之際,有網民甚至稱已對事主當時「絕望」的神情「有畫面」,更有人留言道,「唔似不小心喎,上埋麵粉炸」、「廁紙仲可能用過添」,事主更回覆指,「間店舖個姐姐回覆係個廚房佬好熱,張廁紙用黎抺汗」,雖然不知真假,但實在駭人聽聞、令人髮指!
食安中心提醒,如市民在食肆用膳時發現食物不潔、有異物、或不宜食用,可向食環署作出投訴。另外,若市民在進食後感到身體不適,應盡快求醫;若經醫護人員確定為食物中毒個案,診所或醫院將通知食環署及衞生防護中心跟進調查。