政Whats噏:陳曼琪抵深圳 促港府完善過關流程

2022年08月18日 18:16
東網電視
更多新聞短片
內地同香港遲遲未能通關,港人到深圳需要接受7日集中隔離醫學觀察,同埋3日居家健康監測,總共10日隔離。議員陳曼琪(Maggie)現正親身體驗,已經到達深圳,現正接受隔離。過關期間,佢注意到港府對關口排隊嘅長者支援不足,希望得以改善咁話。
尋日(17日)下晝4點半,Maggie到達深圳灣口岸,接受兩次核酸檢測後,深夜11點半先至抵達下榻嘅酒店。佢話市民喺過關時,需要出示深圳健康驛站嘅系統確認號碼或預約號,然而長者操作起上嚟就相對困難,可惜在場只得一位工作人員提供協助。
另外,Maggie又話香港方面做完核酸檢測後要到等候區稍作停留,之不過等候區嘅座位並唔足夠,見到好多長者都需要站立,希望可以改善吓設施同服務啦。而佢本人就9月先會返港,期間會喺內地進行考察同訪問。