政Whats噏:顏汶羽洗垃圾房 促政府做好屋邨衞生

2022年08月19日 20:44
東網電視
更多新聞短片
顏汶羽清洗垃圾房。
議員顏汶羽(Frankie)今日(19日)喺社交平台貼文話,收到彩福邨居民投訴,指垃圾房不時傳出臭味、有曱甴。而佢就化身清潔工,親自落場視察,清洗垃圾房嘅時候唔單止目睹曱甴周圍跑,連燈管都布滿曱甴屍體。諗落都毛管戙啊。
Frankie指彩福邨嘅垃圾房嘅設計本身就有問題,皆因面積太細、淨係擺得落小型嘅有蓋垃圾桶,令垃圾時有堆積。加上清潔工友嘅人手不足,佢直言衞生情況令人擔心呀。
當佢親身清洗垃圾房嘅時候,就更加體驗到情況有幾差劣。佢話政府打擊衞生黑點嘅同時,都應該加大資源畀公共屋邨,例如增聘多啲清潔工友,咁先可以有條件做好日常嘅衞生清潔、同埋滅鼠、滅蚊等工作嘅。