政Whats噏：還押吳敏兒抽7筒血檢查　未知身體有乜毛病

涉及民主派初選案嘅前職工盟主席吳敏兒仍在還押，兩名前議員今日(30日)探過佢，仲引述吳話啱啱抽咗7筒血，要做詳細檢查，睇吓身+體出咗乜嘢毛病喎。

前議員邵家臻同葉建源今日一齊去探吳敏兒，邵話原本早兩個禮拜去探嘅，但因為佢臨時要入醫院接受治療，所以不得不「放飛機」。佢話吳敏兒都好關心佢身體嘅問題，跟住仲透露自已抽咗血去檢查，又話吳好關心教師短缺嘅情況，話仲有幾日就開學，喺移民潮下，小學生同老師流失都令人憂慮。

唔知吳敏兒身體出現乜嘢問題，但記得佢喺舊年被還押初期寫咗封信上戴喺社交平台，交代佢還押嘅生活，當時佢話因為舊患復發，腰同頸部都好痛，搞到每日都要食止痛藥，仲話懲教員留意到佢食咁多止痛藥，會安排佢睇獄中嘅醫生。