政Whats噏：當洪雯遇上哪吒　做乜呢？

選委會界別嘅議員洪雯Wendy同西貢區議員方國珊(哪吒)睇起嚟好似大纜都扯唔埋，但偏偏又走埋一齊，究竟為咗乜嘢事呢？

點解會走埋一齊？係有同一個目的嘅，就係關心弱勢社群囉！佢哋日前去咗幫深水埗明哥手，即係去深水埗「北河同行」做義工，唔單止夾手夾腳做飯盒，仲去派飯畀露宿嘅寂寞人添！派完之後就同聽明哥分享服務街坊嘅經驗，Wendy形容儘管明哥常揚言自己學識不多，但喺言談間，就處處顯露大智慧，仲話獲益良多。

明哥營運慈善事業嘅成功秘訣，Wendy歸為四「不」，即係不貪、不嗔、不執同不涉政治。佢引述明哥話過往「北河同行」曾捲入政治糾紛，所以遠離政治係佢行善嘅第一宗旨，只要對方有心幫忙，來者全部不拒，仲話喺未來，明哥希望將佢營運慈善事業嘅多年經驗，傳承畀更多年輕人，藉此引起佢哋對基層的關注。哪吒亦呼籲多啲年輕人去親身體會，必定獲益終身咁話。