政Whats噏 : 麥美娟訪天秤意外遺孀　深感對方堅強積極

上周三(7日)安達臣道地盤天秤倒塌意外，其恩恤善後惹來各界關注。民政及青年事務局局長麥美娟今日(14日)探訪其中一位死者嘅遺孀，了解佢停止接受捐款嘅原因。麥指對方雖遭逢不幸，然而其堅強積極嘅態度，令人印象深刻，期待對方日後情況穩定，能夠應邀向年輕人分享生活體驗。

麥美娟由議員吳秋北同郭偉强、以及機電工會嘅安排下，探望其中一位意外死者許文明嘅遺孀阿惠，傾談個多小時。事後麥美娟指對方積極正面嘅生活態度令人刮目相看，尤其是當郭偉强問有冇其他特別需要嘅時侯，因接受化療而脫髮嘅阿惠居然話，自己只要一般程序下可申請嘅援助，從而拒絕超出其他一般水平嘅支持或協助，麥形容係佢咁多年來所見過最堅強、積極嘅遺屬。

儘管麥美娟指安慰說話已非必要，但就邀請對方日後情況穩定的話，能夠同年輕人分享生活體驗。麥又向對方伸出友誼之手，認為人生最艱難嘅時候，不單能樂觀積極去面對，更處處為人着想，確實係難得嘅交友對象咁話。