政Whats噏：議員選址青年廣場　合辦優良辦事處？

作為代議士，少不免要設立辦事處以接觸民意。科技創新界議員邱達根，同埋身兼青發會副主席嘅選委界議員梁毓偉，兩人嘅議席雖然唔係來自地區直選，但佢哋都攜手開設「孖頭」地區議辦，而選址就係柴灣青年廣場。雖然位於9樓嘅議辦同地面頗有距離，不過兩人都希望接觸更多青年人及青少年團體。政務司副司長卓永興就形容兩位議員結合創科同青年事務，對此十分歡迎，仲搞笑話一定係「邱梁(優良)」辦事處添。

卓永興今日(24日)應邀出席議辦開幕禮，致詞時稱邱達根為「舊雨」，事關卓早喺7、8年前擔任創科局常任秘書長，當時已經認識邱；不過卓今日先至認識梁毓偉呢個「新知」。卓又話選址青年廣場開設地辦具策略性，結合科創同青年，相信會受歡迎咁話。而「邱梁」兩位議員就希望接觸更多青年同埋團體，加強交流、多聆聽青年心聲，需要時仲可以提供支援同建議喇。