政Whats噏：競爭對手狹路相逢？　司徒駿軒郭芙蓉大方合照　

早前有指民建聯元朗支部副主席司徒駿軒，以及該黨葵青區議員、創新科技及工業局局長政治助理廖添誠嘅太太郭芙蓉均有意參加立法會補選，不過，要取得參選機會，首先要獲得黨內出線權。而喺消息傳出後，兩人尋日(24日)就首次碰頭。

東區前區議員植潔鈴尋日喺Facebook上載2人合照，相當有架勢，標題仲係「點揀好呢？」，似乎暗示2人係競爭對手。佢形容，一個係好兄弟，一個係好姊妹，選擇困難症唔知揀邊個好呢？不過最後就話自己都無飛，冇得投票咁話。

該黨議員梁熙就喺貼文留言，指「我全都要」；大埔支部主席胡綽謙都留言指「Why not both?」