政Whats噏： 立會行管會成員出缺　黎棟國無競爭下補任

負責管理立法會行政管理設施，如因應議會狀況而增購保險、增聘人手嘅立法會行政管理委員會，早前就因為前選委界議員麥美娟轉跑道加入政府做民政及青年事務局局長，出現一個成員空缺要補選。據立法會秘書處今日（27日）表示，喺提名期結束前，只收到一項有效提名，就係選委界嘅議員黎棟國，佢將會擔任該職。

據文件顯示，議員葉劉淑儀提名黨友黎棟國擔任行管會成員，亦得到另一名黨友陳家珮附議，而相關提名期今日下午5時結束，而秘書處只收到一份有效提名。

根據條例，除3位當然成員外，行管會須包括由議員互選產生嘅不超過10名成員組成。而現時行管會都有好多議會新丁擔任，包括楊永杰同吳秋北等人。