政Whats噏：天降飛魚臥13樓窗台　吳傑莊：點解識游上來

香港人最普遍嘅夢想係天降橫財，不過有時天降嘅野未必係意料之內。選委界議員吳傑莊今日(30日)都有類似體驗，話說佢返到中信大廈位於13樓嘅辦公室，發現窗台外有一條失去部分身軀嘅魚，佢百思不得其解魚從何來，但魚從何去就困擾住佢，究竟要點收科呢？

吳傑莊形容今日係奇妙嘅一天，仲強調見到嘅係魚而唔係雀仔，佢好好奇條魚點解識游上來13樓呢。之不過，基於該窗戶並非簡易打開，所以佢就話無論如何，要即刻通知秘書處安排工作人員幫手清理，亦需安排吊船清理。

由於今日係落雨天，高空戶外工作好危險，所以要安全至上，相關清理將會安排係晴天時進行。佢就指咁條魚唯有喺窗外，淋多一陣雨啦，亦都暫未能確定飛魚由何處墮下，或者有咩寓意喇！