「殲滅者」本色出演　條條揈毫不靦腆　鏡頭下盡展身影

電影《未來戰士》中的殲滅者因時空穿越需要，須以裸體登場的橋段相當經典，而本港卻出現一群「殲滅者」本色出演！事緣今日(30日)網上突然流傳數段閉路電視(CCTV)片段，只見近20名全身赤裸、僅佩戴口罩及腳踩波鞋的精壯男子，排成一隊、大搖大擺地在一個街巷中「條條揈」，場面猶如「萬象奔騰」，各人毫不吝嗇其強壯身軀被CCTV錄下，甚至有店舖職員在場亦處之泰然，期間更有身穿黑衣、持攝錄工具的人員正進行拍攝。據悉涉事地點為鯉魚門三家村。

從CCTV片段所見，該些壯男目測年約30至50歲，而攝錄時間為今年9月22日，即上周四凌晨約零時38分。片中可聽到一旁有人不斷嬉笑並評論該些壯男，「廿幾個(裸男)影得幾清，個個都大條XX喺度(行街)」、「係我睇的清啊，全部睇晒」，甚至笑問在場1名店舖職員「呢個人(做咩)若無其事架？做咩唔埋去睇吓嘅？唔走去跑埋一份？」