政Whats噏：邵家輝去旅行都有掙扎　原因竟然係...

檢疫措施放寬到「0+3」後，唔少市民即刻安排買機票，準備去玩。據知，唔少議員都有計劃外遊，但批發及零售界議員邵家輝竟然話自己「掙扎緊」去唔去旅行好喎，究竟咩事呢？

「0+3」即係上機前唔使提交核酸檢測，返到香港後又免除酒店隔離，呢個新措施方便咗唔少人，唔少議員都決定出去旅行。究竟獨邵家輝為乜嘢「掙扎緊」？原來佢之所以仲「掙扎緊」，係因為希望留港消費，可以刺激到本地消費咁喎，但係呢佢又感受到屋企人希望外遊嘅壓力。一邊係屋企人，一邊係刺激到本地消費，唔知佢會點揀呢？

不過，可以肯定嘅係如果佢真係去旅行嘅話，佢都會做到刺激本地消費。因為佢提到如果真係要去外面嘅話，都會係香港使一大筆錢，臨上機之前仲會使晒啲港紙先。