政Whats噏：乒乓球較技　議員官員打成一片

雖然疫情對好多活動都構成妨礙，但仍有體育賽事如期舉行。議員鄭泳舜、梁毓偉，以及勞福局局長孫玉菡、教育局副局長施俊輝等人今日(26日)出席一個青少年乒乓球爭霸賽嘅開幕禮，期間議員同官員都揸起球拍「露兩手」，同參賽健兒與精英運動員同場較技，大家都樂在其中。

鄭泳舜喺社交平台貼文，話佢同梁毓偉一齊落場切磋球技，但估唔到到兩位局長都係「乒壇好手」，平時都有練波，大家夾得好好，仲來來回回打咗好多板，運動量夠晒；而施俊輝就認為多做運動可增強身心與社交健康，建立活躍同健康嘅生活方式，所以佢鼓勵學生多參與促進健康嘅體育活動。