政Whats噏：吳永嘉參選人大　冀傳達港人訴求

港區全國人大代表換屆選舉提名期今日(30日)截止，至少40人報名參選，當中包括立法會議員吳永嘉。吳表示，自己接獲200多份提名，冀未來能夠將港人訴求傳達至中央，包括盡快恢復兩地通關，以及推動港人前往大灣區發展。

吳永嘉表示，當選後會爭取將港人訴求傳達至中央，其中至為重要嘅就係盡快爭取兩地通關，市民前往內地冇須再接受隔離，畢竟近3年來商界都相當困難，往返內地廠房頗為不便，通關受阻直接影響商業活動。而國家十四五規劃綱要，就係要保持香港、澳門長期繁榮穩定，故希望能爭取特事特辦，盡早通關。

另外，吳永嘉特別提到城市流動性問題。吳話喺內地城市甚至係國外，穿州過省到其他城市工作或生活，實屬平常。由於香港地方狹小、交通非常便捷，港人唔習慣向外流動，普遍不接受、不嘗試到其他地方發展。但其實粵港澳大灣區相當便利，亦有好多機會，吳希望將來能夠推動港人前往大灣區，把握發展機遇。甚至東盟「一帶一路」國家，亦係選擇之一。