政Whats噏：民主黨遭追稅百萬　羅健熙確認收到稅局評稅審核

民主黨上周六(3日)舉行周年會員大會，改選正副主席及中委會。新一屆領導層剛出爐，就有指該黨遭政府追稅約百萬，而該黨主席羅健熙亦確認，早前收到稅務局嘅評稅審核，已按照雙方商討及計算結果處理。

民主黨以公司註冊，有指在2019年後，民主黨籌款大增，出現盈餘，因而被稅局追稅，涉及過去數年累計稅款約百萬元，相信對該黨造成重大財政壓力。

主席羅健熙其後確認，該黨早前收到稅務局嘅評稅審核，已按照雙方商討及計算的結果處理；佢又指，民主黨多年來均如實提交報稅表，將來亦會一如既往，按照香港法例行事。

稅務局回覆傳媒查詢時表示，基於保密規定，不會透露所採取嘅行動，亦不會評論個別個案，但有既定程序覆核納稅人申報嘅資料。如果有資料顯示任何人士可能違反《稅務條例》，稅務局會按條例依法處理。