政Whats噏：立法會時隔4年再走火警演習　490人9分半完成

一旦發生火警， 最重要係要知道點逃生。立法會今日（9日）中午12點半舉行火警演習，已係時隔4年再次進行走火警，集合點係添馬公園草坪。演習共490人參與，完成時間為9分28秒，不論人數還是速度都係近年最佳成績喎。

原來立法會對上一次走火警已經係2018年啦，有議員就話今次係「完善選舉制度」之後嘅第一次火警演習，指2018年至今發生好多事情，而今日「天朗氣清」，佢地話確實揀咗個好日子，仲要多謝消防處同秘書處嘅配合先可以創最快走火警嘅記錄。除此之外，現時立法會有持續2年嘅擴建工程，着大家注意安全咁話。

對比過去火警演習得零星幾個議員參加，今次竟然有唔少議員去演習喎，包括陸瀚民、劉國勳、林哲玄、盧偉國等人，喺走之前，仲有議員祝大家「聖誕快樂，新年進步，樣樣順利，議會工作越來越暢順，得到市民支持」！