政Whats噏：立法會再組足球隊　何俊賢形容自己「超級後備」

由首屆立法會開始，立法會足球隊幾乎每年都會邀‍請政府官員、公共機構同團體進行友誼賽，冀藉足球運動同各界聯誼，但受到疫‍情影響，近年立法會都未有組織足球隊。今日(13日)立法會宣布恢復成立足‍球隊，仲會喺疫情穩定之後舉行比賽添！議員何俊賢作為上屆嘅隊長，揚言今屆隊長嘅位置「畀新朋友多啲機會」，但都唔排除自己係「超級後備」咁話。

何俊賢話，其實足球隊隊長並非好似連任咁一路做到依家，任期只得一年，但過去3年因為疫情冇咗足球隊。新一屆立法會組成後，就希望隊長係由新朋友嚟做，話要「畀新朋友多啲機會」，但假若最終冇人做嘅話，佢就表示作為「超級後備」嘅自己都可以做嘅。

至於其他球員，又由邊位議員同事充當呢？何俊賢就話好多人選㗎，譬如邱達根、鄧家彪、鄭泳舜、陳恒鑌咁，都係偏向後生啲嘅議員，事關踢足球都需要有一定體力嘅。而立法會主席梁君彥都有去過綠茵場為賽事主持開球禮，但冇施展球技，不過何俊賢話「非常歡迎佢落場」咁講喎。