政Whats噏：老來得子做三陪專員　謝偉俊話正

話時話，做議員已經不停開會，又要落區，忙到不得了，搵時間陪下屋企人都難，但身兼律師嘅謝偉俊(Paul)近日竟然做咗「三陪專員」，仲話正喎。

大家唔好諗歪，阿Paul口中嘅「三陪專員」，係陪屋企嘅新成員Pally仔，要陪玩、陪食同陪訓，仲話「感受到老來得子嘅辛苦」。老來得子？其實Pally仔係7個月大嘅金毛孩。

Pally仔有呢個「三陪專員」服侍，當然好開心，專員仲Pally仔佢隔住玻璃門玩添！阿Paul形容為「兩隻大小貪玩鬼」。有網友留言話阿Paul好有童心，同Pally仔玩得好開心，阿Paul回覆網友話每日都要帶Pally仔出去放電嘅，而網友就話「實情隻狗帶你出去充電呀！你成個樣唔同哂，好開心喎！」