車Cam直擊：的士切線撼電單車　女鐵騎士連車飛滾逾10米

黃大仙發生驚險車禍。今晨(2日)11時許，一輛的士沿龍翔道天橋西行、駛至彩虹邨白雪樓對開，與一輛電單車相撞，姓張(23歲)女鐵騎士手腳受傷，由救護車送院治療，姓陳(63歲)的哥沒有受傷。

有「車Cam」拍下意外一刻，影片顯示當時的士沿天橋3線落斜，駛至白雪樓對開時，突然越過實線擬轉入彩虹邨，此時電單車馳至，結果兩車發生碰撞。電單車人仰車翻，鐵騎士連人帶車向前飛滾逾10米始停下，的士也收掣停車，影片到此結束。

網民對意外原因議論紛紛，有人認為，「的士司機揸車態度當然有問題!但係呢款小路寶，兩邊倒後鏡如果要過線，要逐條逐條過!一次過兩條線係睇唔到公有盲位!所以要更加小1心!」。有人猜測，「假期司機唔熟路，佢喺東九起步入彩虹上左橋Cut唔到閘口，我都試過夢遊仙境咪係采頤出番太子道東入，只要同客講平時比開幾多一定冇問題。」另有人則指「幾時都話，揸車行錯咪兜個圈囉，呢啲人，停佢牌啦」。