政Whats噏：黃錦輝擁英國物業　尚海龍深圳福田有「磚頭」

立法會選舉委員會界別補選上月已結束，4名當選人亦已宣誓就任。究竟佢哋有幾多「磚頭」，即係物業喺手呢？根據佢哋嘅利益申報，陳永光同黃錦輝各擁兩個物業，黃其中一個物業喺英國，而尚海龍就喺深圳福田有物業，何敬康申報有新界農地。

陳永光喺九龍區擁有一個住宅物業同一個商用物業，同時申報擔任中大醫學院客座副教授、浸大中醫院董事同廣州中醫藥大學客座教授，亦持有3間醫療公司嘅股份。

黃錦輝喺香港同英國有物業之外，同時係兩間投資控股公司獨立非執董，亦擁有九龍表行股份，係該表行董事，佢仲申報咗擔任中文大學教授同專欄撰稿人。

本身係商湯科技香港公司總經理嘅尚海龍，就申報係公司嘅戰略顧問，喺深圳福田有物業。何敬康申報有新界農地，有一間公司股份，屬於投資同貿易，而今日(4日)又再申報有一間非弁利團體嘅股份。